May 29, 2012

اسلاموفوبيا


أنا أول مرة آخد بالي من الإسلاموفوبيا في مصر.
للدرجه دي شوهنا الإسلام (احنا كلنا كشعب - اللي غلط بإسم الدين, و اللي صدقه إنه فعلا ممثل للدين)؟ كتير خايفين نبقى افغانستان أو إيران و يقيدوا حريتنا
على كده ليهم حق يشوفونا بره ارهابيين بقه! (و خد بالك إن كلنا واحد, احنا)

و اللي يسمع كده يقول أصلنا حته من اوروبا, نسينا اننا عالم تالت. نسينا إن احنا أصلا معندناش حريات و بقلنا 60 سنة دوله عسكريه.

حسبي الله و نعم الوكيل في كل من يتكلم بإسم الدين بغير وجه حق, و كل من يتبعهم بلا تفكير, و كل من ينشر الفزع منهم بلا منطق.

May 13, 2012

لماذا شفيق؟

لنتفق على بعض المبادئ, لو مش متفق, يبقى متكملشي أحسن!
لنتفق إن مبارك رئيس فاسد قامت ثوره راح ضحيتها شهداء من أفضل شباب مصر علشان تطيح بالنظام الفاسد كله و مش مبارك بس.
لو مش موافق على كده, روح يابني إنتخب اللي إنت عاوزه, اختار شفيق و موسى و زود عمر سليمان كمان.

نرجع بقى لأحمد شفيق.
بغض النظر عن كونه رئيس وزراء مصر وقت موقعة الجمل, و اللي سقط فيها شهداء كثيرين أظن إنه مسئول عن دماءهم. أحمد شفيق من وجهة نظري سياسي فاشل, و هذه أسبابي:

1.
أحمد شفيق هو صاحب أسوء تصريح للإعلام من رئيس وزراء مصري. و ده كان في حوار ليه مع "سي إن إن".

السؤال ببساطه من مذيعة سي إن إن:
كاندي: لماذا تعتقلون ناشطي حقوق الإنسان و صحفيين؟
الإجابة بعد إلقاء السؤال كذا مرة و ترجمه حرفية:
شفيق: آه, بصراحه, لو في أي مشكله, فهي غير مقصودة على الإطلاق يا عزيزتي.

أولا: "لو في أي مشكله"؟ هل دي إجابة بتأكد إنك بتعتقلهم؟
ثانيا: "غير مقصود" هو إيه اللي غير مقصود؟ إنك تعتقلهم من أصله ولا علشان سعتك غلط و إعتقلت خواجات؟ لكن المصريين عادي, دول بتوعنا.
ثالثا:  "عزيزتك"؟

للأسف, رد شفيق لم يكن فقط رد غريب, لكنه يفتقد الصراحة, يفتقد السياسة, و يتسم بالكذب و الخوف من عواقب السؤال (الخارجية).
تقرير سي إن إن كامل: http://youtu.be/wM0jq84HMJo


2.
تصريحات أحمد شفيق قبل تنحي مبارك تنم عن:
ا. تكبر و عدم الإعتراف بالاخطاء (في اكثر من موقف يدافع عن خطابات الرئيس و كأنه وحي): http://youtu.be/qpYxEZGvNkk
بـ. استهزاء بالثوره (بنبوني و تعليقه عليها إنها حركه):  http://youtu.be/AXyBz1Sgv18
ج. نرفزه و خروج عن الوعي وظهرت بوضوح في حواره مع علاء الأسواني. هذا ليس طريقة حوار سياسي. و الفيديو على يوتيوب.

3.
في حوار له قبل الثوره, قال شفيق إنه لا يجوز عزل مبارك و اسقاط المجالس (شعب و شورى) لأنه غير دستوري. مع إنه نفع أهو!! ده معناه:
ا. لم يكن يعلم و هذا هو تقديره أو فهمه. وده إن دل على شيء, فيدل إنه كان بيفتي.
بـ. يا إما كان عارف إنه ينفع خصوصا إنها ثوره بس بيكدب و يضلل علشان يحاول يخلق مشكله دستورية.
في كلتا الحالتين, تصرفه خطأ!

إذا, لماذا شفيق رئيسا لمصر؟
1. لأنه ذات خبره ناجحة.
مش عارف بالظبط فين الخبره الناجحه كرئيس وزارة, ده فشل ورا فشل! موقعة الجمل, مجبشي أي حق من حقوق الشهداء, مشفناش نتيجة تحقيق, عدم تمالك أعصابه تحت ضغط, مليونيه علشان يمشي هو و حكومته!! هو في أكتر من كده؟!

2. علشان كان ناجح قبل ما يبقى رئيس وزارة, و هو ملحقشي أو مخدشي فرصته.
أولا, متهيألي هو أخد فرصته و إن كانت دي حاجة نسبية من شخص لشخص. اسبابي اللي فوق بتقول إني حكمت عليه من اختيارات هو عملها و كان عنده فرصة يتصرف أحسن من كده فيها.
و بعدين هو جمال مبارك أخد فرصته؟ محنا مشفناش منه حاجة وحشة صريحة. ليه مجربناش جمال مبارك؟ و أهو يمكن عنده خبرة سياسية أكتر من شفيق كمان. طب بلاش جمال, علاء؟
السبب هو التكرار. طبيعي جدا إنك لما تكون شفت فرعون فاسد, مش عاوز تجيب واحد تاني لو في إيدك اختيار من اللي حوالين الفرعون الفاسد.

قبل مخلص, ارجوكم افتكروا شهداء ثورتنا, و متضيعوش دمهم هدر.

Mar 3, 2011

Alaa Al-Aswany

Famous for his Yacoubian Building (Imarat Yaacoubian) Alaa al -Aswany a
dentist-turned-writer has was written prolifically for Egyptian newspapers on
literature, politics and social issues.


Educated at the Lycee Francais Cairo, Al-Aswany is fluent in French, English and Spanish. He graduated form the Faculty of Dentistry, Cairo University, 1980 and was later accepted to a masters program in dentistry at the University of Illinois in Chicago and graduated in1985. At present he practices at his clinic in Garden City, Cairo.
Al- Aswany has written articles, stories and novels in most of the Egyptian Quarterlies. He has also written a weekly column for literary critique entitled Gomla e’teradeya in Al Shaab newspaper and later became responsible for its cultural page. He also writes a monthly a political article for the Egyptian edition of Al Araby Al Nassery.


Al -Aswany’s Yacoubian Building remained the number one seller in the Arab world for five successive years, taking second place only after the issuing of his subsequent novel Chicago, (which has sold almost 20 editions to date). The French translation of Chicago has been very well received and is on the best sellers list in France. The Yacoubian Building a best seller in Italy sold over 160,000 copies in one year. It was also number six on the list of the most important twenty books issued in France in 2006 by Lire Magazine, and considered the most important translated novel of 2006 in the US by Newsday Magazine. In Denmark, The Yacoubian Building saw unprecedented success for a novel by a foreign author.
To date, The Yacoubian Building has sold over one million copies in 100 countries, and has been translated into over 25 languages, and Chicago has been translated into almost 20 languages.
His latest work, Friendly Fire, a collection of 17 short stories is due for publication in English in March 2009.


Among Al-Aswany’s works are Awraq Essam Abdel Aaty, (The Papers of Essam Abdel Aaty) 1990, a novel, Allathi Ektarab wa Ra’aa (He who Came close enough to see) 1990, a collection of short stories, Gameyet Montazery Al Zaeem (Waiting for a Leader) 1998, a collection of short stories, Imaret Yaacoubian (Yacoubian Building) 2002, a novel, Nirann Sadeeka (Friendly Fire) 2004, a collection of short stories, Chicago, 2007. He has also received many awards; Bashraheel Award for Arabic Novel 2005, The International Kavafi Award 2005, "Fête du livre du Var" , Toulon France 2006, Grinzane Cavour Award, 2007 Torino, Italy and the Austrian The Bruno-Kreisky Award
also in 2007.

أول مصري يحصل على جائزة برونو كرايسكى التي فاز بها المناضل الافريقى "نيلسون مانديلا"وتلاه الناشط الفلسطيني الراحل "فيصل الحسيني"
 أول مصري وعربى يحصل علي جائزه الانجاز من جامعه آمريكيه (جامعه شيكاغو) لعام ٢٠١٠. وهى أكبر جائزة تمنحها الجامعة لخريجيها، وهى تمنح لخريج الجامعة الذي يحقق إنجازا استثنائيا فريدا على المستوى الوطني أو العالمى. من ضمن ستمائة ألف خريج أتموا دراستهم في جامعة الينوى لم يفز بالجائزة إلا عدد قليل من الخريجين. علاء الأسواني الفائز رقم 43 في تاريخ الجامعة.

Sources:

Feb 25, 2011

الشفافية و الإشاعات

وأنا صغير كنت أسمع كلمة الشفافيه, أول حاجة تيجي في بالي هي حصة الرسم! وده إن دل على شيء, فطبعا يدل على الموهبة الفذة اللي كنت بتميز بيها عن زمايلي في الرسم ( أو في الشف)! بس الأهم كمان إني مكنتش أعرف يعني إيه شفافيه, ولا كل الولاد أو البنات اللي في سني.

كبرت الحمد الله (وأزعم إني عقلت) ونسيت حصة الرسم, ولقيت مش بس أنا اللي مش عارف يعني إيه شفافيه, لأ ده كتير زيي والحكومه نفسها يا إما مش عارفين, يا إما بيستعبطوا الصراحة!

يعني مثلا مثلا, قريتوا كام مره أو سمعتوا في الأخبار "جهة مسئولة تحقق أو تبحث" أو "مصدر امني أو مصدر مسئول صرح" أو "قررت اللجنة"... إلا هي مين الجهة المسئولة دي؟ سر يعني؟ اسمها إيه يعني؟ طب عنوانها إيه طيب؟ يعني لو حد عنده معلومة مثلا, أو حتى عاوز معلومة, يروح فين يعني من الآخر؟
و مين مصدر مسئول ده كمان؟ ومسئول عن إيه يعني؟ إنه يدي أخبار؟ و على أي أساس بقى مسئول؟ مين اللي اداله المسئوليه؟
بيفكرني بمسرحية محمد صبحي: "أنا قررت ألغي كلمة الوزارة, وهاسميها المسئوليه! ليه؟ مش عارف! بس علشان كل الناس مسمياها وزارة, محبش يتقال إني بقلد حد!!"

وبعدين واضح إن الموضوع ده عملنا احنا كمصريين عقده... تسمع كتير كلام عام كده... مش محدد...  يعني تلقينا بنتكلم عن ناس مش معروفة, اشباح على رأي إبراهيم عيسى, بنعملها ونصدقها... "أصله بيقلك", "اصلهم خدوه", "أنا سمعت... " "الناس دي أصلها....", "هيهجموا علينا"... إلخ إلخ...
هو مين اللي بيقولي؟ و مجاش قال لي ليه على طول؟! قالك إنت ليه يعني؟ وبعدين إنت أي حاجة تسمعها تيجي تقلهالي؟ افتكر إنها حاجة سر؟! و سمعت فين؟ واللي سمعت منه ده سمع من مين؟ مين المصدر؟ فين المنبع؟!
و متهيألي بطريقة غريبة ابتدينا نحس إن الجهة المسئولة دي و المصدر الأمني بيعملوا كل حاجة, وكأنهم مش بني ادمين زينا كده... كأنهم قوة خارقة لقوانين الطبيعة.

و أحد الأعراض الجانبية كمان ... تلاقي حد بيكلمك يقلك "الناس كلها كذا كذا"...
فعلا؟ الناس كلها بتقول كده؟ كلمتهم إنت كلهم؟ مفيش ولا واحد بيقول حاجة تانية؟ ولا واحد؟

بعد كده, مفيش حاجة اسمها اشباح, مفيش حاجة اسمها "واحد" أو "بيقلك", مينفعشي ننشر معلومة مش واثقين منها 100%! مين المصدر؟ وهل فعلا ده كلام معقول ولا لأ؟ وليه ننشره؟ ليه فايدة ولا ملوش؟



لو مش واثق من معلومه ياريت متقلهاش على إنها حقيقة واقعه... يا ريت كلمة "متهيألي" أو "في رأيي" أو "أنا شايف" أو "أنا بفكر في", بتفرق كتير جدا مع الناس البسيطة اللي زيي إنها تعرف إن دي وجهة نظر ولا حقيقة علمية مثلا!

Feb 14, 2011

الحوار من وجهة نظري

لكي نتحدث عن المستقبل, يجب ان نتعلم من الماضي, ومن لا يخطئ ويتعلم يعيش ميتا!

ضايقني كثيرا ما كان يحدث في أيام الثوره من اتهامات, وطريقة حوار.
سمعت وقرأت كثيرا مثلا اتهامات بالغباء السياسي وكأن المتحدث دكتوراه في العلوم السياسيه, واعطاء نصائح في رأيي الشخصي بلا معنى ولا مضمون ولا حوار أصلا... والأغرب عندما تتحول طريقة النصيحة لصيغة الأمر في بعض الاحيان, و كأن الرأي الاخر خارب البلد وسارقها.

انت "ايا كنت", ليس لديك الحق لتعطي اوامر لشخص آخر غير طبعا بعض الإستثناءات (ابنك, عسكري وإنت ظابط... الخ). كل ماتستطيع تقديمه هو النصيحة فقط... وعلى فكرة, النصيحة في حد ذاتها مش سهلة قوي كده, علشان تخلي حد يسمعلك بجد, يبقى لازم توصل للي قدامك إنك إنت كمان بتسمعه وفاهمه بجد, وإنه حوار مش محاوله لفرض الرأي.
وكمان من المهم في رأيي إنك تقول إن ده رأيك الشخصي, مش قانون علمي مثلا ولا نزل في أديان سماوية... ده حتى الأديان السماويه وبعض الايات ممكن تفسر بأكتر من طريقة.

وبعدين لازم تعرف كمان إنت بتتكلم مع مين (يعني ليه بيفكر كده), وانت مين (وليه بتفكر بطريقة تانية), وليه هو يسمعلك؟ ولا هو جدل وخلاص؟ ولا هي خناقة؟ ولا هي اساءة لرأي الاخر أو شخصه؟ وإيه الهدف من الحوار أصلا؟
من حكمة الله في الأرض إن الناس مش زي بعض, مختلفين في كل حاجة, في الذكاء والطبيعه و الموهبه وحاجات كتير قوي... في ناس عاديه وناس عبقرية وناس اذكية وناس مستوى ذكائها اقل من المتوسط... والمجتمع محتاجنا كلنا, يا إما هيبقى في نقص, مجتمع كله علماء ذرة أو فضاء أو دكاترة ومهندسين, مين مثلا هينضف شوارعه؟ وأنا بقلها أو بدي المثال ده, مش تقليل من عامل النظافة, بل تقديرا للوظيفة واهميتها, فمجتمع عبقري غير نظيف لن يكون عبقريا أصلا, علشان البيئة مش هتكون مهيأة للإبداع.

وعلشان كده من المهم إنك تعرف انت مين, وبتتكلم مع مين, وليه بيفكر بطريقة مختلفة؟ ومش علشان فكَّر بالطريقة دي يبقى أقل ذكاء منك, مش يمكن انت اللي اقل ذكاء منه لدرجة إنك مش عارف تفهمه؟ أو على الاقل مش اذكى كتير عنه وإلا كنت فهمت ليه بيفكر كده وكنت عذرته على مستوى ذكاؤه لو فعلا إنت اللي صح.

لكي يحترم (بضم الياء) رأيك, يجب ان تحترم رأي الاخرين...
من المهم إن الواحد يعرف كمان إيه نهاية الحوار أو الهدف, هل هو بس لتبادل الأراء؟ ولا لإقناع الشخص الاخر بفكرتك؟ ومعرفة الهدف من الحوار يقدر يقولك امتى ينتهي الحوار أو امتى تنسحب لأن مفيش أمل لا إنت تقتنع ولا الاخر يقتنع, وساعتها يبقى على الأقل سمعت وجهة نظر ويمكن تكون فهمت منها حاجة.

من الغباء ان تعامل الاخرين على انهم اغبى أو حتى اقل ذكاء منك. ومن الذكاء إنك تسمع للاخرين وتقدر رأيهم. ومن الطبيعي ان يختلف الناس في الرأي وواجب عليك احترام الرأي الاخر.