وأنا صغير كنت أسمع كلمة الشفافيه, أول حاجة تيجي في بالي هي حصة الرسم! وده إن دل على شيء, فطبعا يدل على الموهبة الفذة اللي كنت بتميز بيها عن زمايلي في الرسم ( أو في الشف)! بس الأهم كمان إني مكنتش أعرف يعني إيه شفافيه, ولا كل الولاد أو البنات اللي في سني.
كبرت الحمد الله (وأزعم إني عقلت) ونسيت حصة الرسم, ولقيت مش بس أنا اللي مش عارف يعني إيه شفافيه, لأ ده كتير زيي والحكومه نفسها يا إما مش عارفين, يا إما بيستعبطوا الصراحة!
يعني مثلا مثلا, قريتوا كام مره أو سمعتوا في الأخبار "جهة مسئولة تحقق أو تبحث" أو "مصدر امني أو مصدر مسئول صرح" أو "قررت اللجنة"... إلا هي مين الجهة المسئولة دي؟ سر يعني؟ اسمها إيه يعني؟ طب عنوانها إيه طيب؟ يعني لو حد عنده معلومة مثلا, أو حتى عاوز معلومة, يروح فين يعني من الآخر؟
و مين مصدر مسئول ده كمان؟ ومسئول عن إيه يعني؟ إنه يدي أخبار؟ و على أي أساس بقى مسئول؟ مين اللي اداله المسئوليه؟
بيفكرني بمسرحية محمد صبحي: "أنا قررت ألغي كلمة الوزارة, وهاسميها المسئوليه! ليه؟ مش عارف! بس علشان كل الناس مسمياها وزارة, محبش يتقال إني بقلد حد!!"
وبعدين واضح إن الموضوع ده عملنا احنا كمصريين عقده... تسمع كتير كلام عام كده... مش محدد... يعني تلقينا بنتكلم عن ناس مش معروفة, اشباح على رأي إبراهيم عيسى, بنعملها ونصدقها... "أصله بيقلك", "اصلهم خدوه", "أنا سمعت... " "الناس دي أصلها....", "هيهجموا علينا"... إلخ إلخ...
هو مين اللي بيقولي؟ و مجاش قال لي ليه على طول؟! قالك إنت ليه يعني؟ وبعدين إنت أي حاجة تسمعها تيجي تقلهالي؟ افتكر إنها حاجة سر؟! و سمعت فين؟ واللي سمعت منه ده سمع من مين؟ مين المصدر؟ فين المنبع؟!
و متهيألي بطريقة غريبة ابتدينا نحس إن الجهة المسئولة دي و المصدر الأمني بيعملوا كل حاجة, وكأنهم مش بني ادمين زينا كده... كأنهم قوة خارقة لقوانين الطبيعة.
و أحد الأعراض الجانبية كمان ... تلاقي حد بيكلمك يقلك "الناس كلها كذا كذا"...
فعلا؟ الناس كلها بتقول كده؟ كلمتهم إنت كلهم؟ مفيش ولا واحد بيقول حاجة تانية؟ ولا واحد؟
بعد كده, مفيش حاجة اسمها اشباح, مفيش حاجة اسمها "واحد" أو "بيقلك", مينفعشي ننشر معلومة مش واثقين منها 100%! مين المصدر؟ وهل فعلا ده كلام معقول ولا لأ؟ وليه ننشره؟ ليه فايدة ولا ملوش؟
لو مش واثق من معلومه ياريت متقلهاش على إنها حقيقة واقعه... يا ريت كلمة "متهيألي" أو "في رأيي" أو "أنا شايف" أو "أنا بفكر في", بتفرق كتير جدا مع الناس البسيطة اللي زيي إنها تعرف إن دي وجهة نظر ولا حقيقة علمية مثلا!
Feb 25, 2011
Feb 14, 2011
الحوار من وجهة نظري
لكي نتحدث عن المستقبل, يجب ان نتعلم من الماضي, ومن لا يخطئ ويتعلم يعيش ميتا!
ضايقني كثيرا ما كان يحدث في أيام الثوره من اتهامات, وطريقة حوار.
انت "ايا كنت", ليس لديك الحق لتعطي اوامر لشخص آخر غير طبعا بعض الإستثناءات (ابنك, عسكري وإنت ظابط... الخ). كل ماتستطيع تقديمه هو النصيحة فقط... وعلى فكرة, النصيحة في حد ذاتها مش سهلة قوي كده, علشان تخلي حد يسمعلك بجد, يبقى لازم توصل للي قدامك إنك إنت كمان بتسمعه وفاهمه بجد, وإنه حوار مش محاوله لفرض الرأي.
وكمان من المهم في رأيي إنك تقول إن ده رأيك الشخصي, مش قانون علمي مثلا ولا نزل في أديان سماوية... ده حتى الأديان السماويه وبعض الايات ممكن تفسر بأكتر من طريقة.
وبعدين لازم تعرف كمان إنت بتتكلم مع مين (يعني ليه بيفكر كده), وانت مين (وليه بتفكر بطريقة تانية), وليه هو يسمعلك؟ ولا هو جدل وخلاص؟ ولا هي خناقة؟ ولا هي اساءة لرأي الاخر أو شخصه؟ وإيه الهدف من الحوار أصلا؟
من حكمة الله في الأرض إن الناس مش زي بعض, مختلفين في كل حاجة, في الذكاء والطبيعه و الموهبه وحاجات كتير قوي... في ناس عاديه وناس عبقرية وناس اذكية وناس مستوى ذكائها اقل من المتوسط... والمجتمع محتاجنا كلنا, يا إما هيبقى في نقص, مجتمع كله علماء ذرة أو فضاء أو دكاترة ومهندسين, مين مثلا هينضف شوارعه؟ وأنا بقلها أو بدي المثال ده, مش تقليل من عامل النظافة, بل تقديرا للوظيفة واهميتها, فمجتمع عبقري غير نظيف لن يكون عبقريا أصلا, علشان البيئة مش هتكون مهيأة للإبداع.
وعلشان كده من المهم إنك تعرف انت مين, وبتتكلم مع مين, وليه بيفكر بطريقة مختلفة؟ ومش علشان فكَّر بالطريقة دي يبقى أقل ذكاء منك, مش يمكن انت اللي اقل ذكاء منه لدرجة إنك مش عارف تفهمه؟ أو على الاقل مش اذكى كتير عنه وإلا كنت فهمت ليه بيفكر كده وكنت عذرته على مستوى ذكاؤه لو فعلا إنت اللي صح.
لكي يحترم (بضم الياء) رأيك, يجب ان تحترم رأي الاخرين...
من المهم إن الواحد يعرف كمان إيه نهاية الحوار أو الهدف, هل هو بس لتبادل الأراء؟ ولا لإقناع الشخص الاخر بفكرتك؟ ومعرفة الهدف من الحوار يقدر يقولك امتى ينتهي الحوار أو امتى تنسحب لأن مفيش أمل لا إنت تقتنع ولا الاخر يقتنع, وساعتها يبقى على الأقل سمعت وجهة نظر ويمكن تكون فهمت منها حاجة.
من الغباء ان تعامل الاخرين على انهم اغبى أو حتى اقل ذكاء منك. ومن الذكاء إنك تسمع للاخرين وتقدر رأيهم. ومن الطبيعي ان يختلف الناس في الرأي وواجب عليك احترام الرأي الاخر.
ضايقني كثيرا ما كان يحدث في أيام الثوره من اتهامات, وطريقة حوار.
سمعت وقرأت كثيرا مثلا اتهامات بالغباء السياسي وكأن المتحدث دكتوراه في العلوم السياسيه, واعطاء نصائح في رأيي الشخصي بلا معنى ولا مضمون ولا حوار أصلا... والأغرب عندما تتحول طريقة النصيحة لصيغة الأمر في بعض الاحيان, و كأن الرأي الاخر خارب البلد وسارقها.
انت "ايا كنت", ليس لديك الحق لتعطي اوامر لشخص آخر غير طبعا بعض الإستثناءات (ابنك, عسكري وإنت ظابط... الخ). كل ماتستطيع تقديمه هو النصيحة فقط... وعلى فكرة, النصيحة في حد ذاتها مش سهلة قوي كده, علشان تخلي حد يسمعلك بجد, يبقى لازم توصل للي قدامك إنك إنت كمان بتسمعه وفاهمه بجد, وإنه حوار مش محاوله لفرض الرأي.
وكمان من المهم في رأيي إنك تقول إن ده رأيك الشخصي, مش قانون علمي مثلا ولا نزل في أديان سماوية... ده حتى الأديان السماويه وبعض الايات ممكن تفسر بأكتر من طريقة.
وبعدين لازم تعرف كمان إنت بتتكلم مع مين (يعني ليه بيفكر كده), وانت مين (وليه بتفكر بطريقة تانية), وليه هو يسمعلك؟ ولا هو جدل وخلاص؟ ولا هي خناقة؟ ولا هي اساءة لرأي الاخر أو شخصه؟ وإيه الهدف من الحوار أصلا؟
من حكمة الله في الأرض إن الناس مش زي بعض, مختلفين في كل حاجة, في الذكاء والطبيعه و الموهبه وحاجات كتير قوي... في ناس عاديه وناس عبقرية وناس اذكية وناس مستوى ذكائها اقل من المتوسط... والمجتمع محتاجنا كلنا, يا إما هيبقى في نقص, مجتمع كله علماء ذرة أو فضاء أو دكاترة ومهندسين, مين مثلا هينضف شوارعه؟ وأنا بقلها أو بدي المثال ده, مش تقليل من عامل النظافة, بل تقديرا للوظيفة واهميتها, فمجتمع عبقري غير نظيف لن يكون عبقريا أصلا, علشان البيئة مش هتكون مهيأة للإبداع.
وعلشان كده من المهم إنك تعرف انت مين, وبتتكلم مع مين, وليه بيفكر بطريقة مختلفة؟ ومش علشان فكَّر بالطريقة دي يبقى أقل ذكاء منك, مش يمكن انت اللي اقل ذكاء منه لدرجة إنك مش عارف تفهمه؟ أو على الاقل مش اذكى كتير عنه وإلا كنت فهمت ليه بيفكر كده وكنت عذرته على مستوى ذكاؤه لو فعلا إنت اللي صح.
لكي يحترم (بضم الياء) رأيك, يجب ان تحترم رأي الاخرين...
من المهم إن الواحد يعرف كمان إيه نهاية الحوار أو الهدف, هل هو بس لتبادل الأراء؟ ولا لإقناع الشخص الاخر بفكرتك؟ ومعرفة الهدف من الحوار يقدر يقولك امتى ينتهي الحوار أو امتى تنسحب لأن مفيش أمل لا إنت تقتنع ولا الاخر يقتنع, وساعتها يبقى على الأقل سمعت وجهة نظر ويمكن تكون فهمت منها حاجة.
من الغباء ان تعامل الاخرين على انهم اغبى أو حتى اقل ذكاء منك. ومن الذكاء إنك تسمع للاخرين وتقدر رأيهم. ومن الطبيعي ان يختلف الناس في الرأي وواجب عليك احترام الرأي الاخر.
Feb 12, 2011
الرئيس مبارك... من وجهة نظري!.
From my Facebook account:
أنا زيي زي شباب كتير قوي, غير منتمي لأي حزب سياسي أو غير سياسي حتى. ولكن لي وجهات نظر.
أولا, أعتقد إنه من الحكمة إننا نفهم الماضي علشان نتعلم منه في المستقبل.
ثانيا, أتمنى ان نتعلم ونسير للافضل.
ثالثا, أتمنى ان نتقبل وجهات النظر الأخرى, و معاملة الاخرين على ان لهم وجهة نظر قد تكون صحيحة جدا, واننا بشر وممكن نغلط. فمن الغباء ان نظن ان من حولنا اغبياء, ومن الذكاء والحكمه وعلامه تدل على الثقة في النفس ان تعترف بخطأك وتشجع من حولك للابداع والتفكير.
هذه هي وجهة نظري... على بلاطة كده عصر السيد الرئيس محمد حسني مبارك معتقدشي فيه إنجازات تحسب لشخص حكم مصر 30 سنة. و تعالوا كده نتكلم على إنجازات الرئيس في 30 سنة الماضية:
1. للأسف الشديد, أهم إنجازات العصر, هو فوز مصر بأمم افريقيا 3 بطولات ورا بعض!!! وطبعا مننساش الفوز علي ايطاليا. وده إنجاز لمبارك لأن اللعيبة كانت دايما تهدي الفوز لشعب مصر المطحون على حد تعبيرهم, وإن دي من الحاجات البسيطة اللي بتفرح الشعب! فـواضح إن مبارك بيشجع المنتخب علشان يكسب.
2. بعض الناس تتحدث عن الاستقرار... ولكن من وجهة نظري أنا:
أولا: هل يحسب للرئيس إنه لم يدخل حرب في 30 سنة الماضية؟ اعتقد ان من بدأ بالسلام هو أنور السادات و ليس حسني مبارك... مبارك بس حافظ عالسلام ومدخلشي حرب جديدة...وفي رأي أنا الشخصي, دي مش حاجة صعبة قوي كده!! لو جبت نص شعب مصر يحكم (ده لو جبت ابني اللي عنده شهرين) مش هيبقى عاوز يدخل حرب!ده مش إنجاز, وبعدين ما احنا حولنا بلاد كتيرة جدا مفيش بلد فيها حاربت! ليه ده إنجاز يحسب ليه؟! ده بس حافظ على إنجازات من سبقه الحمد الله!
في حاجات لو اتعملت تبقى من الغباء, لكن لو متعملتشي فهو ده الطبيعي.
ثانيا: استقرار إيه بالظبط؟ استقرار الحكومة؟ طب ما ده من القمع وعدم وجود حريات, و محدش يقولي إن مصر فيها حريات, حرية إيه لما يتقبض على إبراهيم عيسى ويتسجن قبل كده و يزهقوا حمدي قنديل لحد ما يسيب البلد ويوقفوا عالقهوة ومش بعيد يكون ليهم دور في برنامج القاهرة اليوم!حرية إيه وهما بيضربوا في المتظاهرين رصاص مطاطي وحي وقنابل مسيله للدموع ويرشوا عليهم مية وهم بيصلوا؟! حرية إيه وهما بيقطعوا الإنترنت والتليفونات وبيقبضوا على أصحاب المدونات؟
وبعدين كل حكومة تقريبا في عهد الرئيس اتهمت بالسرقة من الشعب. يبقى استقرار إيه؟ استقرار الإقتصاد؟ الجنيه المصري دلوقتي 1/5 من الدولار!!! اللي كان في سنة 1998 تقريبا نصه فقط, النهاردة 1/5 منه وكل حاجة بتغلى والناس كلها بتشتكي.
استقرار مثلا في نجاح علمي أو صناعي أو نجاح زراعي حتى؟! استقرار في النجاحات الرياضيه يمكن؟!
على رأي الست... استقرار إيه اللي إنت جي تقول عليه؟!! هو إنت أصلا عارف معني استقرار إيه؟!!
3. مبارك جعل مصر حليف استراتيجي مهم لامريكا في الشرق الأوسط. لدرجة إننا بقينا رقم اتنين في المعونات الأمريكية و ده حوالي 1.5 بليون دولار من 2009 بس!
4. مبارك دايما بيحاول يحل مشكلة فلسطين؟ معرفش, وحتى لو بيحاول, هيا كده كده متحلتشي!! و على حد علمي الشعب الفلسطيني بيكره النظام المصري بدليل ضرب وزير الخارجية بالجزم.
5. الرئيس مبارك حصل على جائزة دولية من الهند تعطى للمساهمين في نمو بلدهم في التسعينات.
بـجد أنا آسف... أنا مش عارف اذكر إنجازات أخرى للسيد الرئيس!!! مش لاقي حاجة قادر انسبها ليه في فترة حكمه, ومش معنا كده إنه ملوش إنجازات في حرب أكتوبر أو إنه مش محارب وإنسان محترم, يمكن, بس حتى لو هو كل ده, احنا بنحكم عليه كرئيس دولة مش كمواطن, و ملوش إنجازات أنا شفتها منه غير اللي ذكرتها... لكن لو هنتكلم بقى على مساوئ هذا العصر... فـحدث بلا حرج:
1. نبتدي بآخر الاحداث... السيد رئيس الجمهورية في عهده توقف الإنترنت عن الدوله عمدا!!! ودي حاجة أول مره تحصل في تاريخ الدول... ومصر دايما ليها المبادره.ومش بس كده... في عهده قطع الإنترنت ورسائل المحمول, وخدمة المحمول أصلا, ثم توقفت وسائل الموصلات العامة, واخيرا وليس اخرا, بل وأهمهم أصلا, في عهد السيد الرئيس, الشرطة انسحبت من حماية الشعب وكان كل دورها قمعه وضربه, وأول ما فشلوا لم تحمي الشرطة الشعب بل للاسف هناك اقاويل وأحاديث كثيره ان البوليس المصري هو وراء عمليات السرقة والنهب اللي حصلت.
في عهد الرئيس محمد حسني مبارك, استشهد اكثر من 100 شخص على يد البوليس في آخر مظاهرة فقط. ده غير طبعا من اختفي, وغير المصابين!!! فعلا حاجة تحزن.
2. في 30 سنة تقدمت اليابان لتصبح دولة عظما, وكوريا وسنغافورة, والهند, والصين لدرجة إننا بنستورد فوانيس رمضان والسبح والمصليات من الصين اللي معظم شعبها غير مؤمن أصلا!!! يا راجل دي جنوب افريقيا حالها أحسن مننا!!
3. الفساد العام... حد بيروح يجدد رخصة العربية من غير رشوة؟ كام واحد بيعمل مصلحة حكومية ويضطر يدفع رشوة علشان حاجته تخلص؟ودي مش مشكلة مبادئ بس, دي في الأساس مشكلة اقتصاد وعدم وجود مرتب محترم يقدر الموظف المحترم يعيش بيه عيشة كريمة... للأسف تحت الضغط الشيطان اشطر, وانا مش بأقول إن اللي عمله ده صح أو بديله مبرر, بس نعالج أساس المشكلة كمان ومنشيلهاش للموظف اللي مش لاقي ياكل... ولو عليه هو كان يمكن يقدر يستحمل, هو الحقيقة مش عارف يأكل عياله!!!
4. انعدام العدالة وعدم وجود مساواه... لو ابن وزير أخد مخالفة هيبقى زي لو بني آدم عادي زينا كده أخد مخالفه؟ طب لو ضربت ابن وزير, هيحصل معاك زي ماهيحصل مع ابن الوزير لو كان هو اللي ضربك؟ طب لو بيتك حد سرقه أو رفعت قضيه على حد علشان يتحكم فيها, هتخلص في اد إيه؟ شهر, شهرين؟ سنة, سنتين؟؟ ربنا يحيينا ويحيكم.هل وزير الداخلية هايتحاكم على ماحدث يوم جمعة الغضب؟؟ هل وزير الاتصلات هيتحاسب على قطعه للانترنت والموبيلات؟ هل الرئيس نفسه هيتحاسب لو ما حاسبهمشي؟ هل مجلس الشعب أو أي حد في مصر يقدر يحاسب الرئيس؟ طب إزاي ومجلس الشعب كله هو حزبه أصلا!!!
5. التعليم في مصر يرثى له... ومش التعليم بس, والمستشفيات, والطرق, والبيئه. على رأي جورج عزمي, تقدر تقولي هيفيدك بإيه كمية إنتاج نجع حمادي للسكر؟! حد يعرف يجاوب منكم على السؤال ده اصلا؟
طب لا قدر الله, حد فيكم شاف التعامل مع المرضى في المستشفيات الحكومية عامل إزاي؟ طب عدد الحوادث اللي في مصر؟ طب السحابة السودة والتلوث الرهيب اللي في القاهرة؟!! و كل دول ليهم حلول, بس الحكومة اللي مش بتفكر أو حتى تحاول. ده أحمد زويل زهق من الناس بعد ماطلعوا عينه علشان يحاول يفيد البلد!
6. الشفافية... فين هي؟! حد سمع عن وزير ولا وكيل وزارة ولا حتى غفير طلع يقول أنا خطتي كذا وكذا وهبتدي بكذا وكذا و كمان كذا هيبقى معنا كذا وكذا؟ ده في ثورة 25 دي اعدوا أسبوع علشان يردوا علشعب رد مفيد!!! حد شاف وزير استقال من منصبه أو اعترف بغلطته أو اتحاكم حتى على غلطاته؟!
7. القنوات المصرية... للأسف الشديد في رأيي الشخصي, عار علينا وعلى الحكومة. لي صديق عزيز بيقولي "لما ضغطي بيوطة, بقلب على القناه الفضائية المصرية"!! مفيش مرة يجيبوا الناس في التحرير؟؟ يوم الجمعة يوم الغضب, التلفيزيون المصري والراديو يذيع أخبار دول أفريقيا؟!! يوم التلات أول أيام الثورة نطلع نقول إن تمت السيطرة على كل المظهرات في الجمهورية؟!
فجأة مصر كلها بتحب مبارك وفي اتنين مليون شخص عاملين مظاهرات ضده مع الوضع فالإعتبار إن الناس دي كلها جت من غير وسائل مواصلات عامة, ومن غير رسائل, ومن غير انترنت!!!! إزاي المذيع والمذيعة "المحترميييين" قوي قوي دول بيكدبوا كده؟!! بيفكروني بالمذيعة الامورة دي اللي طلعت في البيت بيتك تقول إن الفيس-بوك ده ليه مصالح سياسية وإنه دولة باين وكلام غريب كده!!!
إزاي بتتكلم على حاجة مش عارفاها كده؟!!! إزاي وأنا آسف جدا في التعبير, جاهلين كده؟! ولا هي الوظيفة ماكنتشي مشترطه العلام؟! ويمكن كانت مشترطه الجهل!!!!
وبعدين بيكلموا مين بالكلام ده أصلا؟! ماأكيد اللي أعد على الفيس-يوك يعرف أكتر منها!
القنوات المصرية مش بتعبر عن الشعب, بتعبر عن الحكومة, وعلشان كده معظم الناس بتتفرج على قنوات تانية علشان تشوف الحقيقة لانها مش واثقة في قنواتها المصرية...و ده قمة الفشل, عندما لا يأبه بك من هم منك أصلا ومن تبعث لهم بالرسالة أصلا! ودي وجهة نظري.8. ازمة المرور في مصر, وازمة المواصلات, و ازمة الكهرباء, والغاز, والعيش, وازمة حوض النيل اللي علشان نحلها عملنا بطولة كرة قدم!!! هو فاضل حاجة تانية مفيهاش ازمه؟!
9. صفر المونديال! وده دليل على ان مكانة مصر اللي بنتكلم عليها كتير مش زي ما احنا فاكرين! ده صفر!!! ده حتى مش واحد!!! على رأي مسرحية فؤاد المهندس.... طب صفرييييين!!!
10. أذكر لي عدد الشباب الذي يود الهجرة أو السفر من مصر... وكلها للأسباب السابقه. مصر للأسف الشديد, كتير من شبابها سافر فعلا والباقي نفسه يسافر بس الظروف مش سامحه! و نسبة قليله جدا اللي عاوزه تقعد لاسباب كتيره بقه عندهم هما. 11. تزوير الإنتخبات, 99.9%!! في حزب في الدنيا يكسب 97% من عدد مقاعد مجلس الشعب؟!!
هو في حد في مصر بينزل ينتخب؟ ليه لأ؟ أولا احنا مؤمنين إن فيه تزور لانه للاسف واقع. ثانيا عدم وجود حريات بيقلل من فرص إن حد مثقف أو صالح إنه يرشح نفسه أصلا. ثالثا, نسبة الجهل في مصر عاليه جدا وده يرجع تاني للفقر والتعليم الفاشل في مصر.
12. مشاكل الفلاحين اللي بنسمع عنها كل شوية من عدم وجود مبيدات او سماد أو غيره.
13. حوادث القطارات والعبارات والعربيات!! وحادثة الدويقه والعشوائيات والأماكن اللي لسة مفيهاش مية, والفقر... من الآخر كده... اتفرجوا على برنامج "واحد من الناس".
هو احنا مش بنمشي في الشارع برده وبنشوف الناس عاملة إزاي؟ احنا نفسنا عاملين إزاي في مصر؟ بنعامل بعض إزاي؟ يا جماعة العيشة الكريمة ليها دور كبير في تحضر المجتمع... متطلبشي من مجتمع أكتر من نص شعبه بياكل بالعافية و كتير منه مش عارف يمارس حرية رأيه, إنه يبقى متحضر! احنا بشر والبشر بيغلط... والضغط النفسي و الإجتماعي والاقتصادي من الأسباب الرئيسيه إن نفس البني آدم تضعف. احنا بشر.
بس هو كمان بشر وممكن يغلط... وهو برده رئيس جمهورية مصر العربية... هو مش ابونا, ولا يقرب لنا, هو حاكم مسئول عن شعب, و من الممكن محاكمته لو غلط... لانه بشر, زينا زيه... واختياراته تتحاسب لو غلطت زي ماهو يتحاسب على الاختيار الغلط...
وبمناسبة الاحداث الاخيره, وإلى كل من يقول ان شباب المظاهرة هم سبب الفوضى, ومن يدعوهم إلى فض المظاهرات للحفاظ على أمن مصر... أمن مصر يا حضرات هو واجب على وزير الداخلية والدولة ورئيس الجمهورية نفسه... لا تسألوا الشباب الذي خرج للدفاع عنكم في الشوارع و عن حقكم ودافع عن المتحف المصري وغيره... الرئيس والنظام وحدهم مسئولون امام الله ثم امام شعبهم عن الإنفلات الأمني وترويع المواطنين. وما حدث يوم الجمعه والايام التاليه هو وصمة عار في حقهم, وأنا شخصيا فعلا اعتبره خيانه واعتبر كل من قتل هذا اليوم هو بسبب النظام الذي فشل فشلا ذريعا في التعامل مع الموقف (إذا افترضنا حسن النيه) وخان شعبه و وطنه.
الرئيس مبارك... من وجهة نظري!
by Hany Barakat on Wednesday, February 2, 2011 at 1:11am
أنا زيي زي شباب كتير قوي, غير منتمي لأي حزب سياسي أو غير سياسي حتى. ولكن لي وجهات نظر.
أولا, أعتقد إنه من الحكمة إننا نفهم الماضي علشان نتعلم منه في المستقبل.
ثانيا, أتمنى ان نتعلم ونسير للافضل.
ثالثا, أتمنى ان نتقبل وجهات النظر الأخرى, و معاملة الاخرين على ان لهم وجهة نظر قد تكون صحيحة جدا, واننا بشر وممكن نغلط. فمن الغباء ان نظن ان من حولنا اغبياء, ومن الذكاء والحكمه وعلامه تدل على الثقة في النفس ان تعترف بخطأك وتشجع من حولك للابداع والتفكير.
هذه هي وجهة نظري... على بلاطة كده عصر السيد الرئيس محمد حسني مبارك معتقدشي فيه إنجازات تحسب لشخص حكم مصر 30 سنة. و تعالوا كده نتكلم على إنجازات الرئيس في 30 سنة الماضية:
1. للأسف الشديد, أهم إنجازات العصر, هو فوز مصر بأمم افريقيا 3 بطولات ورا بعض!!! وطبعا مننساش الفوز علي ايطاليا. وده إنجاز لمبارك لأن اللعيبة كانت دايما تهدي الفوز لشعب مصر المطحون على حد تعبيرهم, وإن دي من الحاجات البسيطة اللي بتفرح الشعب! فـواضح إن مبارك بيشجع المنتخب علشان يكسب.
2. بعض الناس تتحدث عن الاستقرار... ولكن من وجهة نظري أنا:
أولا: هل يحسب للرئيس إنه لم يدخل حرب في 30 سنة الماضية؟ اعتقد ان من بدأ بالسلام هو أنور السادات و ليس حسني مبارك... مبارك بس حافظ عالسلام ومدخلشي حرب جديدة...وفي رأي أنا الشخصي, دي مش حاجة صعبة قوي كده!! لو جبت نص شعب مصر يحكم (ده لو جبت ابني اللي عنده شهرين) مش هيبقى عاوز يدخل حرب!ده مش إنجاز, وبعدين ما احنا حولنا بلاد كتيرة جدا مفيش بلد فيها حاربت! ليه ده إنجاز يحسب ليه؟! ده بس حافظ على إنجازات من سبقه الحمد الله!
في حاجات لو اتعملت تبقى من الغباء, لكن لو متعملتشي فهو ده الطبيعي.
ثانيا: استقرار إيه بالظبط؟ استقرار الحكومة؟ طب ما ده من القمع وعدم وجود حريات, و محدش يقولي إن مصر فيها حريات, حرية إيه لما يتقبض على إبراهيم عيسى ويتسجن قبل كده و يزهقوا حمدي قنديل لحد ما يسيب البلد ويوقفوا عالقهوة ومش بعيد يكون ليهم دور في برنامج القاهرة اليوم!حرية إيه وهما بيضربوا في المتظاهرين رصاص مطاطي وحي وقنابل مسيله للدموع ويرشوا عليهم مية وهم بيصلوا؟! حرية إيه وهما بيقطعوا الإنترنت والتليفونات وبيقبضوا على أصحاب المدونات؟
وبعدين كل حكومة تقريبا في عهد الرئيس اتهمت بالسرقة من الشعب. يبقى استقرار إيه؟ استقرار الإقتصاد؟ الجنيه المصري دلوقتي 1/5 من الدولار!!! اللي كان في سنة 1998 تقريبا نصه فقط, النهاردة 1/5 منه وكل حاجة بتغلى والناس كلها بتشتكي.
استقرار مثلا في نجاح علمي أو صناعي أو نجاح زراعي حتى؟! استقرار في النجاحات الرياضيه يمكن؟!
على رأي الست... استقرار إيه اللي إنت جي تقول عليه؟!! هو إنت أصلا عارف معني استقرار إيه؟!!
3. مبارك جعل مصر حليف استراتيجي مهم لامريكا في الشرق الأوسط. لدرجة إننا بقينا رقم اتنين في المعونات الأمريكية و ده حوالي 1.5 بليون دولار من 2009 بس!
4. مبارك دايما بيحاول يحل مشكلة فلسطين؟ معرفش, وحتى لو بيحاول, هيا كده كده متحلتشي!! و على حد علمي الشعب الفلسطيني بيكره النظام المصري بدليل ضرب وزير الخارجية بالجزم.
5. الرئيس مبارك حصل على جائزة دولية من الهند تعطى للمساهمين في نمو بلدهم في التسعينات.
بـجد أنا آسف... أنا مش عارف اذكر إنجازات أخرى للسيد الرئيس!!! مش لاقي حاجة قادر انسبها ليه في فترة حكمه, ومش معنا كده إنه ملوش إنجازات في حرب أكتوبر أو إنه مش محارب وإنسان محترم, يمكن, بس حتى لو هو كل ده, احنا بنحكم عليه كرئيس دولة مش كمواطن, و ملوش إنجازات أنا شفتها منه غير اللي ذكرتها... لكن لو هنتكلم بقى على مساوئ هذا العصر... فـحدث بلا حرج:
1. نبتدي بآخر الاحداث... السيد رئيس الجمهورية في عهده توقف الإنترنت عن الدوله عمدا!!! ودي حاجة أول مره تحصل في تاريخ الدول... ومصر دايما ليها المبادره.ومش بس كده... في عهده قطع الإنترنت ورسائل المحمول, وخدمة المحمول أصلا, ثم توقفت وسائل الموصلات العامة, واخيرا وليس اخرا, بل وأهمهم أصلا, في عهد السيد الرئيس, الشرطة انسحبت من حماية الشعب وكان كل دورها قمعه وضربه, وأول ما فشلوا لم تحمي الشرطة الشعب بل للاسف هناك اقاويل وأحاديث كثيره ان البوليس المصري هو وراء عمليات السرقة والنهب اللي حصلت.
في عهد الرئيس محمد حسني مبارك, استشهد اكثر من 100 شخص على يد البوليس في آخر مظاهرة فقط. ده غير طبعا من اختفي, وغير المصابين!!! فعلا حاجة تحزن.
2. في 30 سنة تقدمت اليابان لتصبح دولة عظما, وكوريا وسنغافورة, والهند, والصين لدرجة إننا بنستورد فوانيس رمضان والسبح والمصليات من الصين اللي معظم شعبها غير مؤمن أصلا!!! يا راجل دي جنوب افريقيا حالها أحسن مننا!!
3. الفساد العام... حد بيروح يجدد رخصة العربية من غير رشوة؟ كام واحد بيعمل مصلحة حكومية ويضطر يدفع رشوة علشان حاجته تخلص؟ودي مش مشكلة مبادئ بس, دي في الأساس مشكلة اقتصاد وعدم وجود مرتب محترم يقدر الموظف المحترم يعيش بيه عيشة كريمة... للأسف تحت الضغط الشيطان اشطر, وانا مش بأقول إن اللي عمله ده صح أو بديله مبرر, بس نعالج أساس المشكلة كمان ومنشيلهاش للموظف اللي مش لاقي ياكل... ولو عليه هو كان يمكن يقدر يستحمل, هو الحقيقة مش عارف يأكل عياله!!!
4. انعدام العدالة وعدم وجود مساواه... لو ابن وزير أخد مخالفة هيبقى زي لو بني آدم عادي زينا كده أخد مخالفه؟ طب لو ضربت ابن وزير, هيحصل معاك زي ماهيحصل مع ابن الوزير لو كان هو اللي ضربك؟ طب لو بيتك حد سرقه أو رفعت قضيه على حد علشان يتحكم فيها, هتخلص في اد إيه؟ شهر, شهرين؟ سنة, سنتين؟؟ ربنا يحيينا ويحيكم.هل وزير الداخلية هايتحاكم على ماحدث يوم جمعة الغضب؟؟ هل وزير الاتصلات هيتحاسب على قطعه للانترنت والموبيلات؟ هل الرئيس نفسه هيتحاسب لو ما حاسبهمشي؟ هل مجلس الشعب أو أي حد في مصر يقدر يحاسب الرئيس؟ طب إزاي ومجلس الشعب كله هو حزبه أصلا!!!
5. التعليم في مصر يرثى له... ومش التعليم بس, والمستشفيات, والطرق, والبيئه. على رأي جورج عزمي, تقدر تقولي هيفيدك بإيه كمية إنتاج نجع حمادي للسكر؟! حد يعرف يجاوب منكم على السؤال ده اصلا؟
طب لا قدر الله, حد فيكم شاف التعامل مع المرضى في المستشفيات الحكومية عامل إزاي؟ طب عدد الحوادث اللي في مصر؟ طب السحابة السودة والتلوث الرهيب اللي في القاهرة؟!! و كل دول ليهم حلول, بس الحكومة اللي مش بتفكر أو حتى تحاول. ده أحمد زويل زهق من الناس بعد ماطلعوا عينه علشان يحاول يفيد البلد!
6. الشفافية... فين هي؟! حد سمع عن وزير ولا وكيل وزارة ولا حتى غفير طلع يقول أنا خطتي كذا وكذا وهبتدي بكذا وكذا و كمان كذا هيبقى معنا كذا وكذا؟ ده في ثورة 25 دي اعدوا أسبوع علشان يردوا علشعب رد مفيد!!! حد شاف وزير استقال من منصبه أو اعترف بغلطته أو اتحاكم حتى على غلطاته؟!
7. القنوات المصرية... للأسف الشديد في رأيي الشخصي, عار علينا وعلى الحكومة. لي صديق عزيز بيقولي "لما ضغطي بيوطة, بقلب على القناه الفضائية المصرية"!! مفيش مرة يجيبوا الناس في التحرير؟؟ يوم الجمعة يوم الغضب, التلفيزيون المصري والراديو يذيع أخبار دول أفريقيا؟!! يوم التلات أول أيام الثورة نطلع نقول إن تمت السيطرة على كل المظهرات في الجمهورية؟!
فجأة مصر كلها بتحب مبارك وفي اتنين مليون شخص عاملين مظاهرات ضده مع الوضع فالإعتبار إن الناس دي كلها جت من غير وسائل مواصلات عامة, ومن غير رسائل, ومن غير انترنت!!!! إزاي المذيع والمذيعة "المحترميييين" قوي قوي دول بيكدبوا كده؟!! بيفكروني بالمذيعة الامورة دي اللي طلعت في البيت بيتك تقول إن الفيس-بوك ده ليه مصالح سياسية وإنه دولة باين وكلام غريب كده!!!
إزاي بتتكلم على حاجة مش عارفاها كده؟!!! إزاي وأنا آسف جدا في التعبير, جاهلين كده؟! ولا هي الوظيفة ماكنتشي مشترطه العلام؟! ويمكن كانت مشترطه الجهل!!!!
وبعدين بيكلموا مين بالكلام ده أصلا؟! ماأكيد اللي أعد على الفيس-يوك يعرف أكتر منها!
القنوات المصرية مش بتعبر عن الشعب, بتعبر عن الحكومة, وعلشان كده معظم الناس بتتفرج على قنوات تانية علشان تشوف الحقيقة لانها مش واثقة في قنواتها المصرية...و ده قمة الفشل, عندما لا يأبه بك من هم منك أصلا ومن تبعث لهم بالرسالة أصلا! ودي وجهة نظري.8. ازمة المرور في مصر, وازمة المواصلات, و ازمة الكهرباء, والغاز, والعيش, وازمة حوض النيل اللي علشان نحلها عملنا بطولة كرة قدم!!! هو فاضل حاجة تانية مفيهاش ازمه؟!
9. صفر المونديال! وده دليل على ان مكانة مصر اللي بنتكلم عليها كتير مش زي ما احنا فاكرين! ده صفر!!! ده حتى مش واحد!!! على رأي مسرحية فؤاد المهندس.... طب صفرييييين!!!
10. أذكر لي عدد الشباب الذي يود الهجرة أو السفر من مصر... وكلها للأسباب السابقه. مصر للأسف الشديد, كتير من شبابها سافر فعلا والباقي نفسه يسافر بس الظروف مش سامحه! و نسبة قليله جدا اللي عاوزه تقعد لاسباب كتيره بقه عندهم هما. 11. تزوير الإنتخبات, 99.9%!! في حزب في الدنيا يكسب 97% من عدد مقاعد مجلس الشعب؟!!
هو في حد في مصر بينزل ينتخب؟ ليه لأ؟ أولا احنا مؤمنين إن فيه تزور لانه للاسف واقع. ثانيا عدم وجود حريات بيقلل من فرص إن حد مثقف أو صالح إنه يرشح نفسه أصلا. ثالثا, نسبة الجهل في مصر عاليه جدا وده يرجع تاني للفقر والتعليم الفاشل في مصر.
12. مشاكل الفلاحين اللي بنسمع عنها كل شوية من عدم وجود مبيدات او سماد أو غيره.
13. حوادث القطارات والعبارات والعربيات!! وحادثة الدويقه والعشوائيات والأماكن اللي لسة مفيهاش مية, والفقر... من الآخر كده... اتفرجوا على برنامج "واحد من الناس".
هو احنا مش بنمشي في الشارع برده وبنشوف الناس عاملة إزاي؟ احنا نفسنا عاملين إزاي في مصر؟ بنعامل بعض إزاي؟ يا جماعة العيشة الكريمة ليها دور كبير في تحضر المجتمع... متطلبشي من مجتمع أكتر من نص شعبه بياكل بالعافية و كتير منه مش عارف يمارس حرية رأيه, إنه يبقى متحضر! احنا بشر والبشر بيغلط... والضغط النفسي و الإجتماعي والاقتصادي من الأسباب الرئيسيه إن نفس البني آدم تضعف. احنا بشر.
بس هو كمان بشر وممكن يغلط... وهو برده رئيس جمهورية مصر العربية... هو مش ابونا, ولا يقرب لنا, هو حاكم مسئول عن شعب, و من الممكن محاكمته لو غلط... لانه بشر, زينا زيه... واختياراته تتحاسب لو غلطت زي ماهو يتحاسب على الاختيار الغلط...
وبمناسبة الاحداث الاخيره, وإلى كل من يقول ان شباب المظاهرة هم سبب الفوضى, ومن يدعوهم إلى فض المظاهرات للحفاظ على أمن مصر... أمن مصر يا حضرات هو واجب على وزير الداخلية والدولة ورئيس الجمهورية نفسه... لا تسألوا الشباب الذي خرج للدفاع عنكم في الشوارع و عن حقكم ودافع عن المتحف المصري وغيره... الرئيس والنظام وحدهم مسئولون امام الله ثم امام شعبهم عن الإنفلات الأمني وترويع المواطنين. وما حدث يوم الجمعه والايام التاليه هو وصمة عار في حقهم, وأنا شخصيا فعلا اعتبره خيانه واعتبر كل من قتل هذا اليوم هو بسبب النظام الذي فشل فشلا ذريعا في التعامل مع الموقف (إذا افترضنا حسن النيه) وخان شعبه و وطنه.
Subscribe to:
Posts (Atom)